Անձնական տվյալների պաշտպանությունը մշտապես զարգացում ապրող իրավունքի ոլորտ է: Անձնական տվյալների պաշտպանության հիմնահարցն ամեն օր ձեռք է բերում ավելի մեծ կարևորություն: Այս հոդվածը Հայաստանի Հանրապետության պետական կառավարման ուշադրության կենտոնում է, ուստի դրա խախտումները և ոտնահարումները կարող են լուրջ սպառնալիքներ հանգեցնել երկրի ազգային անվտանգությանը:
Անձնական տվյալների պաշտպանության մասին» ՀՀ օրենքը չի սահմանում պատժամիջոցներ, այլ ավելանում է նոր հոդված որով տույժեր են սահմանվում «Անձնական տվյալների պաշտպանության մասին» օրենքի խախտման համար: Նախատեսված տույժերի չափը, որը
տատանվում է 100,000-ից 500,000 դրամ, բավարար չէ խոշոր ընկերությունների
կողմից խախտումները կանխելու համար:
Մեր օրերում անձնական տվյալների պաշտպանությունը էլ ավելի լուրջ խնդիր
է դառնում, որովհետև գոյություն ունի համացանց, որտեղ գրեթե անվերահսկելի
իրավիճակ է տիրում։ Շատ կարևոր է, որ պետությունը հոգ տանի անձնական տվյալների գաղտնիությունը
ապահովելու, անձնական կյանքի անձեռնմխելիության իրավունքը պաշտպանելու վերաբերյալ:
ՀՀ-ում անձնական տվյալների պաշտպանության իրավական հիմքերի ապահովման կարևոր երաշխիքներից մեկը տվյալների պաշտպանության հարցերով անկախ գործակալության ստեղծումն է: «Անձնական տվյալների պաշտպանության մասին» օրենքի համաձայն 2015 թվականին ստեղծվել է անձնական տվյալների պաշտպանության գործակալությունը: Այն հիմնադրվել է որպես ՀՀ արդարադատության նախարարության առանձին ստորաբաժանում:
ՀՀ հանրային իշխանության մարմինները ունեն հետևյալ
պարտականությունները Անձնական տվյալներ մշակելու անվտանգության
ապահովման նկատառումներով՝
- նրանք պարտավոր են ոչնչացնել կամ ուղեփակել անձնական այն տվյալները, որոնք անհրաժեշտ չեն օրինական նպատակին հասնելու համար:
- ՀՀ հանրային իշխանության մարմինները պարտավոր են կանխել անձնական տվյալների մշակման համապատասխան տեխնոլոգիաների մատչելիությունը դրա իրավունքը չունեցող անձանց համար և ապահովել, որ այդ համակարգերի օրինական օգտագործողի համար հասանելի լինեն միայն իրենց կողմից մշակման ենթակա տվյալները և այն տվյալները, որոնցից թույլատրված է օգտվել:
ՀՀ հանրային իշխանության մարմինները կարող են հատուկ կատեգորիայի անձնական տվյալներ
փոխանցել երրորդ անձանց կամ տվյալներից օգտվելու հնարավորություն
տրամադրել, եթե՝
- ՀՀ հանրային իշխանության մարմինները հանդիսանում են օրենքով կամ միջպետական պայմանագրով սահմանված հատուկ կատեգորիայի անձնական տվյալներ մշակող, այդ տեղեկության փոխանցումը ուղղակիորեն նախատեսված է օրենքով և ունի բավարար պաշտպանության մակարդակ.
- օրենքով նախատեսված բացառիկ դեպքերում հատուկ կատեգորիայի անձնական տվյալները կարող են փոխանցվել տվյալների սուբյեկտի կյանքի, առողջության կամ ազատության պաշտպանության համար:
Պատերազմական ճգնաժամային իրավիճակներում անձնական տվյալների պաշտպանությունը վերածվում է կյանքի իրավունքի, որովհետև մի հասարակ տվյալի անզգուշորեն փոխանցումը կարող է սպառնալիք դառնալ ազգային անվտանգության տեսանկյունից, որոնք տարածված են հիմնականում սոցիալական ցանցերում:
Օրինակ՝ 2020թ. հայ-ադրբեջանական պատերազմի ժամանակ ադրբեջանական կողմը օգտագործելով ՀՀ և ԼՂՀ քաղաքացիների անձնական տվյալները՝ բնակության և գտնվելու վայրը, հեռախոսահամարը և այլ տվյալներ ներկայացել են որպես ՊՆ մարմիններ և հորդորել են դուրս գալ իրենց բնակավայրերից:
Օգտակար տեսանյութներ
Ինչպե՞ս են անօրինական օգտագործում մեր անձնական տվյալները
Անձնական տվյալների պաշտպանությունը Facebook-ում
«Անձնական տվյալների պաշտպանությունը պատերազմական իրավիճակում» թեմայով քննարկում