Սկսեմ ամենասկզբից։ 2021 թվականին դպրոցն ավարտելուց հետո մեծ ցանկություն ունեի հենակետային բժշկական քոլեջ ընդունվելու, բայց ընկերուհուս խորհրդով ընդունվեցի <<Մխիթար Սեբաստացի կրթահամալիրի>> քոլեջ։ Առաջին կուրսի մասին պատմելու շատ բան չունեմ, միայն ճամփորդություններն եմ շատ լավ հիշում։ Մասնագիտական և մի շարք այլ առումներում գիտելիքների զարգացման սկիզբը երկրորդ կուրսն էր, երբ սկսեցինք ուսումնասիրել իմ սիրելի մասնագիտություններից մեկը՝ ճարտարապետությունն ու շենքերի հետ աշխատելը։ Հենց այդ ժամանակվանից սկսեցի սիրել գրաֆիկ դիզայնն ու մեծ սիրով կատարել առաջադրանքները։ Առանձին տարեկան հաշվետվություններ ունեմ, որոնց կարղ եք ծանոթանալ այստեղ, իսկ հիմա ուզում եմ պատմել թե ինչ եմ ստացել քոլեջից, իմ ձեռքբերումների և տպավորությունների մասին՝ քոլեջի վերաբերյալ։ Քոլեջ մուտք գործելուց մեծամասամբ շատ փակ աշակերտ եմ եղել, երբ իմ կատարած առաջադրանքները աշակերտներին և ուսուցիչներին ներկայացնելուց լարվում և ամաչում էի։ Վերջին տարվա ընթացքում՝ թե՛ քոլեջի, թե՛ կամավորությունների շնորհիվ ավելի ազատ և հանգիտ եմ դարձել, կարող եմ աշխատանքներս հեշտությամբ ներկայացնել աշակերտներին, խոսել, որը շատ կարևոր եմ համարում։ Ամենահետաքրքիր և արդյունավեր պահերը դիպլոմային աշխատանքին պատրաստվելն էր իմ համար, երբ արդեն սկսեցի սովորածս գիտելիքները կիրառել։ Ինչ խոսք, քոլեջ մուտք գործելուց չէի կարծում, որ վերջին տարվա ընթացքում այդքան քոլեջը հարազատ կդառնա։ Հիմա վստահ կարող եմ ասել, որ քոլեջի մթնոլորտն ու ուսուցչական կազմը ամենալավն են։ Կարծում եմ, այն ջերմ վերաբերմունքը, որը սեբաստացիներն են ստանում, որիշ ոչ մի այլ ուսումնական հաստատությունում չկա, երբ ցանկացած հարցում ուսուցիչները առաջնորդում են (նույնիսկ քոլեջին չվերաբերող), կիսվում իրենց փորձով և դուրս գալիս <<խիստ ուսուցչի>> դերից։ Քոլեջում շատ տարբեր նախագծեր ենք իրականացրել, բավականին օգտակար՝ և՛ անհատական հետազոտական աշխատանքների, և՛ հյուրերի միջոցով։ Ամենաշատը ափսոսում եմ շատ չեմ ճամփորդել։ Ամեն դեպքում չեմ փոշմանում քոլեջի հարցում կատարած որոշմանս համար։

Ապրիլ ամսվա ընթացքում դիպլոմային աշխատանքի երկրորդ գլուխը սկսել և ավարտել եմ։ Կայքի բերնդինգի հետ կապված՝ աշխատանքը ևս ավարտել եմ, տարբեր մոքափներ եմ ավելացրել։ Ծրագրավորման առումով կայքի կեսն եմ ավարտել, բայց դեռ աշխատելու շատ տեղ կա։

1.Շարունակեցե՛ք   ձայնեղ  բաղաձայնները   բ, գ, դ, զ…

Պատասխան՝ ձ, ջ, ժ, ղ, վ

2.Շարունակեցե՛ք շնչեղ խուլ բաղաձայնները   փ,  թ…

Պատասխան՝ ք, ց, չ

3.Վերականգնեցե’ք տրված բառերի արմատները.

քաղքենի, օրրան, շրջանակ, քննություն, լլկել, բժիշկ, բուծարան:

քաղքենի-քաղաք

օրրան-օրոր

շրջանակ-շուրջ

քննություն-քնին

լլկել-լլուկ

բժիշկ-բույժ

բուծարան-բույծ

4.Կազմեցե’ք 1-ական բարդ բառ` տրված արմատները գործածելով  և’ առաջին, և’վերջին  բաղադրիչ.

գույն, տուն

գույն ՝գուներանգ, գույնզգույն

տուն՝ տնամերձ, հացատուն

5.Լրացրե’ք  բաց թողնված տառերը.

նախճիր, սաղավարտ,  փրփրադեզ,  գիշերօթիկ,  վայրէջք,  խռչակ, դողէրոցք, խորդուբորդ, խառնիճաղանջ:

6.Կրկնակ բաղաձայններով երկուական բառ կազմեցե’ք.

նն,   ռռ

Աննա, Հովհաննիսյան

Խռռոց, դռռոց

7.Գտե’ք ճիշտ ձևերը.

մանրամասը-մանրամասն

անձեռնոցիկ-անձեռոցիկ

բարձրունք-բարձունք

8.Տրված բառերը գործածեցե’ք  փոխաբերական իմաստով  բառակապակցության  մեջ.

մեծ,   ծանր

Մեծ հաջողություն, մեծ հաղթանակ

Ծանր բնավորություն, ծանր աշխատանք

9.Առանձնացրե’ք հոմանիշային  6 զույգ.

խլեզ, շանթ, շեղջ, ականջօղ, ցուպ, մողես, գինդ, կայծակ, ձեռնափայտ,արահետ, կույտ,  կածան

Շանթ-կայծակ,

Շեղջ-կույտ

Մողես-խլեզ

Արահետ-կածան

Գինդ-ականջօղ

Ցուպ-ձեռնափայտ

10.Տրված բառերին գրեցե’ք 2-ական հոմանիշ.

ձի-զամբիկ, երիվար

մագիլ-եղունգ, ճանկ

խոհեմ- բանիմաց, խելացի

11. Գրեցե’ք տրված բառերի նույնարմատ հականիշները.

դյուրաշարժ, հնաբնակ, մանրածախ, ստորակարգ, չարագործ, տգետ

Դյուրաշարժ-ծանրաշարժ

հնաբնակ- նորաբնակ

մանրածախ-մեծածախ

ստորակարգ-առաջնակարգ

չարագործ-բարեգործ

տգետ- գիտակ, գիտուն

12.Բացատրեցե’ք հետևյալ բառերի իմաստները.

ասպար- պաշտպանական զենք, վահան

մտրուկ- առու քուռակ

պատմուճան- տղամարդու վերնազգեստ

քողտիկ- խրճիթ

գավիթ- եկեղեցու առաջնամաս

13.Գրեցե’ք  3  դարձվածք   ականջ  բառով.

Ականջիդ օղ արա․

Ականջ դնել

Ականջը լցնել

14.Տրված բառերի իմաստն արտահայտե’ք  դարձվածքներով.

համառել, գունատվել, հեռու, խորամանկ,  ծուլանալ

համառել-էշը առաջ տանել

գունատվել-գույնը գցել

հեռու-յոթ սար այնկողմ

խորամանկ-աչքերը դեմքին խաղալ

ծուլանալ-գլուխ պահել

15.Կազմեցե’ք  3-ական բառ հետևյալ նախածանցով  և վերջածանցով.

ենթ- ենթակառուցվածք, ենթավերնագիր, ենթաստանոքս

վածք- կտրվածք, սանրվածք, կեցվածք

16.Կազմեցե’ք   3 — ական  ածանցավոր բառ  տրված կաղապարներով.

նախա —  ական- նախատոնական, նախապատրաստական, նախադպրոցական

անդր – յան- անդրկովկասյան, անդրշիրիմյան,

17.Կազմեցե’ք 3-ական շաղկապավոր և անհոդակապ  բարդություններ.

Անհոդակապ՝ տանտիրուհի, այսօր, այստեղ

Հոդակապով՝ գրչաման, գրչատուփ, գրասեղան

18.Կազմեցե”ք   նախադասություններ   անարգել   և  համար   համանուններով:

Համար առաջին ուսանողը հենց դու պետք է լինես։

Նրանք զոհվեցին իրենց հայրենիքի և լավ ապագայի համար։

19.Սյունակներից  ընտրեցե՛ք   մեկական  արմատ  և  կազմեցե՛ք  հինգ  բարդ  բառ.

լույս           երես

փիղ           վարս

ծաղիկ      քարշ

փորձ        ոսկոր

ոսկի         աման

Լուսերես, փղոսկր, ծաղկաման, ոսկեվարս, փորձաքարշ

20.Գրեցեք միասին, առանձին և գծիկով գրվող հինգական բառ:

Ուտել-խմել, աման-չաման, սեփ-սպիտակ, ճեփ-ճերման, հայ-ռուսական, Սյաթ-Նովա, Նար-Դոս

Դռնռդուռ, տնետուն, ուսուցչակազմ, գիտաշխատող, վազեվազ

Լեոնարդո դա Վինչի, Լյուդվիգ վան Բետհովեն, գլուխ տալ, պար գալ, Սուրբ Հովհաննես եկեղեցի

• Գարեգին Նժդեհի կյանքը և գործունեությունը

1986թ․ հունվարի 1-ին՝ Նախիջևան գավառի Կզնութ գյուղում ծնվել է հայոց պատմության մեջ իր մեծ հետքը թողած Գարեգին Նժդեհը(Հարությունյան)։ Նախիջևան քաղաքի ռուսական դպրոցներից մեկում ստացել է նախնական կրթությունը, շարունակել Թիֆլիսի ռուսական գիմնզիայում, որտեղ ուսանելու տարիներում է միացել է հայ ազատագրական շարժմանը և հայ հեղափոխության գործին։ Թիֆլիսից հետո 2 տարի՝ ուսանել է Պետերբուրգի համալսարաններից մեկում՝ իրավաբանական բաժնում, որից հետո, 1906 թվականին մեկնել Բուլղարիա՝ ընդունվել Սոֆիայի սպայական դպրոց, և այն հաջողությամբ ավարտելուց հետո 1907թ. վերադարձել է Կովկաս։ 1907 թվականին մտել է ՀՅԴ և մասնակցություն ունեցել պարսկական հեղափոխական շարժման մեջ։ Զենք և ռազմամթերք տեղափոխելու համար 1909 թվականին վերադարձել է Կովկաս և ձերբակալվել ցարական իշխանությունների կողմից։ Բանտում անցկացրել է 3 տարի, որից դուրս գալուց հեըո տեղափոխվել Բուլղարիա։ 1912թվականին, երբ սկսվեց առաջին Բալկանյան պատերազմը, բուլղարական բանակի կազմում հայերի՝ թուրքիայի դեմ կռվելու համար ստեղծվել է կամավորական վաշտ, որի հրամանատարը Զորավար Անդրանիկն էր, իսկ տեղակալը` Գարեգին Նժդեհը։ Հայկական վաշտը, աչքի ընկավմի շարք հաղթական մարտերով, ինչից հետո զորացրվեց՝ 1913 թվականին և հրաժարվեց մասնակցել Բալկանյան Երկրորդ պատերազմին։

Առաջին աշխարհամարտից առաջ ցարական կառավարության կողմից «ներման» արժանանալով Նժդեհը վերադարձավ Կովկաս՝ Թուրքիայի դեմ մղվելիք պատերազմին մասնակցելու համար։ Պատերազմի սկզբում եղել է հայկական կամավորական գնդի փոխհրամանատար։ 1917 թվականին մեծ ուժերով օգնության ձեռք է մեկնել Կողբին և փրկել տեղի հայությանը կոտորածից : 1918 թ․ մայիսին Նժդեհը վարել է Ղարաքիլիսայի ճակատամարտը, որի ընթացքւմ վիրավորում է ստացել, բայց արժանացել է ամենաբարձր քաջության շքանշանի։ 1920 թ․ ստանձնել է Սյունիքի ինքնապաշտպանության գործը՝ որն այդ ժամանակ հանձնված էր Ադրբեջանին և 1 տարվա պայքարից հետո հաղթանակած ավարտել այն, այնուհետև 1921 թ․ Սյունիքը արդեն կցվել էր Հայաստանին։

• Ընտրել Նժդեհի 3 ստեղծագործություն և վերլուծել 

Ուժի պրոբլեմը

Կարծում եմ, որ այն խնդիրները, որոնք ներկայացված են այս ստեղծագործության մեջ, հայերի կյանքում միշտ են եղել։ Հայերի մեծ մասը ցավոք սրտի միշտ հույսը դրել է կառավարության վրա, բողոքել կառավարության կատարած որոշումներից, բայց ինքն էլ որպես հայ ոչինչ չի արել երկրի բարելավման և զարգացման համար։ Նրանք չունեն երկրի համար ապրելու, պայքարելու ցանկություն և նպատակ, համախմբված չեն, ուստի երկրի վիճակը գտնվում է ծայրահեղ ծանր վիճակում։ Ներկայումս աշխարհի շատ երկրներում մարդիկ համախմբված են, մեծ ցանկությամբ ու սիրով ամեն ինչ անում են իրենց երկրի խաղաության ու ապահովության համար, ի տարբերություն մեր ազգի գերակշռող մասի։ Հայ ժողովրդի մեծ մասի հոգում գերակշռում է չարությունն ու նախանձը, նրանք չունեն շնորհակալ լինելու ունակություն։ Նժդեհը այս ստեղծագործությունը գրել է 1939թվականին, բայց մինչև հիմա ոչինչ չի փոխվել։

Անհատ և պետություն

Պետության ճակատագիրը պայմանավորված է անհատի վերաբերմունքից իր երկրի հանդեպ։ Այն անհատները, ովքեր սիրում են իրենց պետությունը, պատրաստ են անձնվիրաբար պայքարել երկրի հզորացման և պաշտպանության համար։ Մարդիկ չեն կռվում այն բանի համար, ինչն իրենցը չեն համարում։ Հայրենիքի հանդեպ սիրո և նվիրումի մասին խոսք չի կարող լինել այնտեղ, որտեղ սեփական ես-ը առաջնային է։

Խորհրդածություններ

Ով իր հայրենիքի պատմությունը չգիտչ, պետք չէ իր հայրենիքին։ նա, ով վտանգի ժամանակ Հայսատանը պաշտպանել չցանկացավ, հայ չէ։ Հաջողության չի կարող հասնել այն երկիրը, որի բանակում ներքին թշնամի կա։ Հերոս են դառնում նրանք, ովքեր մահից ավելի ուժեղ են։Եթե հայ ազգի նախանձի չափ շատ լիներ երկրի հանդեպ սերն ու պաշտպանությունը, ուրիշ կերպ կլիներ Հայաստանի ճակատագիրը։

• Արդյոք անցել է Նժդեհի ժամանակը: Ինչու՞

Ժամանակի հետ գնալով հասկանում եմ, որ մեր օրերում «Նժդեհ» բառը հավաքական կերպար է: Նժդեհ ասելով` ես պատկերացնում եմ մի ամբողջ երիտասարդների խումբ, ովքեր պատրաստ են անգամ իրենց կյանքը զոհաբերել , և չնայած, որ իսկապես զոհաբերում են առանց ափսոսանքի:
Նժդեհի ժամանակը պատմության դասագրքերում մի ժամանակահատված է միայն ներկայացվում, բայց ես տեսնում եմ դեռ, որ այն չի ավարտվել, քանի որ մինչև օրս էլ մենք պայքար ենք մղում հայրենիք ունենալ կամ չունենալու հարցում:

Նժդեհը շատ մեծ մարդ է եղել, ով միայնակ կարողացել է ջոկատ կազմել և պաշտպանել է իր հայրենիքը` Սյունիքը, ոսոխ թշնամուց: Ցավոք մեր օրերում մեր ժամանակի «Նժդեհների» զոհաբերություններն անցնում են ապարդյուն։ Գարեգին Նժդեհի ժամանակն իր պատմական ազդեցությամբ չի անցել, քանի որ նա շարունակում է մնալ հայոց պատմության և ինքնության նշանակալի դեմք։Նժդեհը շարունակում է մնալ հայ ազգային ինքնության և պատմության նշանավոր դեմք։

Աշխարհում գրեթե չկա այնպիսի մարդ, ով չգիտի և չի փորձել շոկոլադի համը։ Դառը շոկոլադը պարունակում է միայն կակաոյի հատիկներ, կարագ և շաքարի փոշի։ Շատերի մոտ շոկոլադը հանդիսանում է տրամադրության բարձրացման աղբյուր, սակայն շատ քչերը գիտեն դրա օգտակար և վնասակար կողմերի մասին։

Շոկոլագը օգտակար է սրտի և արյան համար։ Սև կամ դառը շոկոլադը կանխում է օրգանիզմի անոթային համակարգի խցանմանը։ Ճիշտ քանակությամբ շոկոլադ օգտագործելու դեպքում ինսուլտի ռիսկը նվազում է մոտավորապես 15-17%-ով։ Դառը շոկոլադը պաարտադիր է շաքարախտով հիվանդ մարդկանց համար, որը մարդու օրգանիզմում զարգացնում է ինսուլինային բուժման նկատմամբ զգայունությունը։ Չափավոր քանակությամբ շոկոլադի օգտագործումը կարող է կանխել հիվանդության առաջացումը։

Դառը շոկոլադը պայքարում է խոլեստերինի դեմ, նվազեցնում է արյան մեջ վնասակար խոլեստերինի պարունակությունը։ Մի շարք բժշկական հետազոտությունների արդյունքւմ պարզ է դարձել, որ շոկոլադը պաշտպանում է մարդու մաշկը ուլտրամանուշակագույն ճառագայթների վնասակար ազդեցությունից՝ դառը շոկոլադի մեջ գտնվող ֆլավոնոլների միջոցով։ Շոկոլադը նվազեցնում է անհանգստության աստիճանը հղի կանանց մոտ։ Ըստ մի շարք հոգեթերապևտների՝ շատ շոկոլադ օգտագործած մայրերից ծնված երեխաներնն ավելի շատ են ժպտում ի տարբերություն քիչ օգտագործողների։

Շոկոլադը հարուստ է մի շարք հանքանյութերով և օգատակար է ուղեղի աշխատանքի համար։ Այն պարունակում է այնպիսի հանքանյութեր, որոնք օգտակար են մարդու օրգանիզմի համար, օրինակ՝ երկաթը, կալիումը, ցինկը, կալցիումը, որոնց միջոցով նաև կանխվում է հիշողության խանգարումը։

Շոկոլադի օգտակարությունը զգալու համար պարտադիր է օգտագործել ճիշտ չափաբաժնով և չչարաշահել դրա օգտագործումը, հառակ դեպքում այն կարող է վտանգավոր լինել։ Չափից շատ շոկոլադի օգտագործումը կարող է առաջացնել քաշի ավելացման, քանի որ մի շարք շոկոլադներում կակաոյի փոխարեն ավելացնում են վնասակար ճարպեր, յուղեր․․․

Լյարդի և աղեստամոքսային հիվանդություններ ունեցող մարդկանց մոտ շոկոլադի չարաշահումը կարող է առաջացնել այրոց, սրտխառնոց և աղիքային խանգարում։

Վերջերս իրականացվել են մի շարք ուսումնասիրություններ, որոնց արդյունքում պարզ է դարձել, որ 28 հայտնի ապրանքանիշերի շոկոլադները պարունակում են կադիում և կապար։ Շոկոլադներում եղել են այնքան շատ կապարի և կադիումի պարունակություն, որ այդ շոկոլադները ուտելը մի քանի անգամ ավելի վտանգավոր կլինի օրգանիզմի համար, քանի որ օրգանիզմը կստանա կադիումի և կապարի վտանգավոր չափաբաժին։ Կապարի հաճախակի ազդեցությունը կարող է հանգեցնել նյարդային համակարգի հետ կապված խնդիրների, հիպերտոնիայի, իմունային համակարգի թուլացման, երիկամների վնասման և վերարտադրողական օրգանների աշխատանքի խանգարման: Տվյալ շոկոլադների թեկուզ քիչ քանակությամբ օգտագործումը մարդկանց և երեխաների առողջական խնդիրների առաջացման պատճառ կարող է հանդիսանալ, այդ թվում՝ ուղեղի զարգացման։

«Լուցկիներով աղջիկը» Հանս Քրիստիան Անդերսենի ամենահայտնի և հուզիչ ստեղծագործություններից մեկն է, որտեղ նկարագրվում է աղքատության, անմեղության և հույսի իրավիճակները: Պատմության գլխավոր հետոսուհին՝ մի փոքրիկ աղջիկ էր, ոտաբոբիկ և շիկահեր խոպոպներով ։ Պատմության մեջ շատ տխուր կերպով ներկայացվում էր աղքատության դաժան կողմը՝ փոքրիկ աղջկա օրինակով։ Փոքրիկ աղջիկը իր գոյատևելու միակ ձևը գտնում էր լուցկիներ վաճառելու մեջ։ Անցորդների կողմից անտեսված և դատարկաձեռն տուն վերադառնալուց վախենալով՝ նա ջերմություն է փնտրում լուցկի վառելով։ Չնայած դժվար հանգամանքներին, աղջիկը պահպանում է իր անմեղությունն ու վառ երևակայությունը: Նա վառում է լուցկիները տաքանալու համար և ապրում է գեղեցիկ տեսիլքներ, ինչպիսիք են տաք վառարանը և տոնածառը՝ ցուցադրելով հարմարավետության և երջանկության իր կարոտը: Լուցկիներ վառելից  աղջիկը կարծում էր, որ նստած է պղնձե գնդերով ու կափարիչներով մեծ երկաթե վառարանի դիմաց: Յուրաքանչյուր լուցկի արթնացնում է մի գեղեցիկ տեսիլք, որտեղ նա տեսնում էր ժամանակավոր գեղեցիկ իրավիճակ՝ իր մռայլ իրականությունից: Իր վերջին տեսիլքում նա տեսնում է իր մահացած տատիկին, և խնդրում, որ տատիկը իրեն ևս տանի իր հետ։ Աղջկա տեսիլքի մեջ տատիկն իր գիտկն էր առնում թոռնիկին, որից հետո լույսի և ուրախության մեջ նրանք բարձրացան վերև՝ որտեղ չկար սով, որտեղ տաք ու ջերմալի էր: Հաջորդ առավոտ աղջկան հայտնաբերում են սառած վիճակում՝ խաղաղ ժպիտը դեմքին:

Պատմության գլխավոր մտքերից մեկը հույսն էր։ Փոքրիկ աղջկա տեսիլքները ներկայացնում են նրա հույսերն ու երազանքները, մինչդեռ նրա հանդիպումները տատիկի ոգու և աստղերի հետ խորհրդանշում են հարմարավետության և ապահովության զգացում: Պատմության ավատը որոշ չափով նման է մեր ժամանակներին, երբ մարդիկ՝ գտնվելով աղքատության մեջ սովից ու ցրտից մահանում են։ Ինչ խոսք, տխուր և դաժան պատվածք էր, հատկապես երբ գլխավոր հերոսուհին փոքրիկ աղջիկ էր, ով իր մանկությունը վայելելու փոխարեն գտնվում էր մի շարք դժվարություններով շրջապատված աշխարհում։

Էնտրոպիան անմիջականորեն կապված է ջերմադինամիկայի հետ։

Էնտրոպիայի հասկացությունը առաջին անգամ կիրառվել է 1865 թվականին, էներգիայի տարածման որոշման համար՝ գերմանացի ֆիզիկոս Ռուդոլֆ Կլաուզիուսիի կողմից։

էնտրոպիան չափում է համակարգի մեջ տարբեր էլեմենտների անկանոն, չկարգավորված շարժման մակարդակը: Այն արտահայտում է միկրոսկոպիկ վիճակների թիվը և որքան անկանոն է այդ վիճակների բաշխումը: էնտրոպիան օգտագործվում է համակարգի վիճակը նկարագրելու համար՝ ջերմադինամիկական մեծություններով, օրինակ՝ ջերմաստիճանը, ճնշումը և այլն։

Էնտրոպիան դարձելի պրոցեսի դեպքում մնում է հաստատուն, իսկ ոչ դարձելի պրոցեսների դեպքում նրա փոփոխությունը միշտ դրական է, այսինքն՝ աճում է։

𝑑𝑆=𝛿𝑄/T

Բանաձևում՝ 𝑑𝑆-ը էնտրոպիայի աճն է, 𝛿𝑄-ն ՝ համակարգին տրված նվազագույն ջերմաքանակը, T-ն՝ բացարձակ ջերմաստիճանը։

Էնտրիոպիայի աճի օրենքը իրենից ներկայացնում է էներգիայի պահպանման օրենքի հետևանք։

Համաձայն էնտրոպիայի աճի օրենքի՝ ցանկացած մարմին կամ ջերմադինամիկական համակարգ ձգտում է իր հանգստի վիճակին, այսինքն իր էնեւգետիկ ամենացածր մակարդակին։ Այլ կերպ ասած համակարգը կարգավորված վիճակից ձգտում է դեպի անկանոն քաոսային վիճակ։

Տեղադրված նկարում երևում է, որ ինքն իրեն թողնված համակարգը կարգավորված վիճակից անցնում է դեպի անկանոն քաոսային վիճակ